سرورق / بین اقوامی / انٹلیکچوول پراپرٹی رائٹس :کینیڈا بھی امریکی ترجیحی واچ لسٹ میں شامل –

انٹلیکچوول پراپرٹی رائٹس :کینیڈا بھی امریکی ترجیحی واچ لسٹ میں شامل –

واشنگٹن، امریکہ نے چین اور ہندوستان کے ساتھ اپنے اہم تجارتی شراکت دار کینیڈا کوبھی چربہ سازی میں سرفہرست قراردے دیا۔ حقوق ملکیت دانش (انٹلیکچوول پراپرٹی رائٹس )کی خلاف ورزی کرنے والے ملکوں کی سالانہ رپورٹ میں امریکی تجارتی نمائندے نے کینیڈا کو ترجیجی واچ لسٹ میں شامل کرلیا ہے جس کی وجہ سے اب اسے مزید سخت جانچ پڑتال سے گزرنا ہوگا، چین اور ہندوستان گزشتہ 14 سال سے اس لسٹ میں شامل ہیں۔ غیر ملکی میڈیا رپورٹ کے مطابق یوایس ٹی آر کا کہنا ہے کہ مذکورہ ملکوں میں سے کسی نے بھی پیٹنٹ اور ٹریڈمارک پروڈکٹس کو تحفظ فراہم کرنے کے لیے مناسب اقدامات نہیں کیے۔
امریکی تجارتی نمائندے رابرٹ لائٹ ہیزر نے اپنے بیان میں کہاکہ امریکی انٹرپرینیورز کے آئیڈیاز اور تخلیق اقتصادی ترقی کو فروغ دیتے ہیں اور لاکھوں محنتی امریکیوں کو ملازمتوں پر رکھتے ہیں۔ اس رپورٹ سے ہماری تجارتی شراکت داروں کو واضح پیغام دیاگیا ہے کہ امریکی حقوق ملکیت دانش کا تحفظ ٹرمپ انتظامیہ کی ترجیح ہے۔ پرائیرٹی واچ لسٹ میں 12 ملک شامل ہیں جبکہ اس سے کم اہمیت کی واچ لسٹ میں 24 ملک شامل ہیں. کولمبیا، ارجنٹائنا اور چلی کے ساتھ ترجیحی اور میکسیکو کو واچ لسٹ میں شامل کیاگیا ہے۔ یوایس ٹی آر کے مطابق آئی پی کے حوالے سے حساس امریکی صنعتیں مجموعی طور پر 45.5 ملین امریکیوں کو ملازمتیں فراہم کرتی ہیں اور جی ڈی پی کا 30 فیصد ہونے کے ساتھ امریکی برآمدات میں 50 فیصد سے زیادہ حصے کی حامل ہیں۔

Leave a comment

About saheem

Check Also

کروناندھی کی حالت بگڑی –

چنئی (ایجنسیز) تملناڈو کے سابق وزیر اعلیٰ اور ڈی ایم کے کے سربراہ ایم کروناندھی …

جواب دیں

%d bloggers like this: